香港新浪網 MySinaBlog
Bean | 24 April, 2006 | 一般 | (103 Reads)

都好奈冇寫新文章了.

公事唔想多提, 總之忙. 明日又要去廣州, 後日才回來, 好期待明晚可以行夜街.

 

 


Bean | 15 April, 2006 | 一般 | (118 Reads)

今日去機場旁的新展覽館, 空間比會展大, 但始終交通不方便.

場內大部分不是大陸便是台灣廠, 大部分都是電腦mouse, flashdrive, mp3/4等, 同去大陸行Fair冇乜分別, 香港人去晒邊呢.

本來今晚和friend食飯, 但因明天一大早要上廣州, 所以都係回家休息吧.


Bean | 14 April, 2006 | 一般 | (139 Reads)

由今日起到5月6日都沒有假期.

今日往灣仔電子展, 人流都幾多, 不過冇乜新意思, 今日個新人跟住我行, 但我對佢有d失望.

行行下收到朋友call話明晚約出來食晚飯, 唔知我趕唔趕到呢.

今日因工作冇得踢波, 仲要係真草emoticon

 


Bean | 9 April, 2006 | 一般 | (88 Reads)

今日早上又去了大埔踢球, 本來因為有點不適和下午有約想唔去, 但因為唔夠人, 所以勉強出席.  今日開段有d浮游的感覺, 之後回覆正常, 雖然2場都輸了, 但基本上控制了比賽.

因2個表弟妹明天便回英國, 下午和佢地去睇戲, 看過影評後只得"千里走單騎"好睇, 因怕今日是星期日多人, 於是上網買票, 點知入場後只得1/7人看, 白付手續費28蚊(4人).

看完戲後同佢地睇衫, 直到十時多才回家, 累死了.


Bean | 9 April, 2006 | 一般 | (109 Reads)

今日放工後約了2位朋友出來行下坐下, 晚上去了小肥羊打邊爐, 每人消費230大元, 果然冇改錯名, 呢隻羊唔肥都難.

吃完後係先達竟然碰到畢業後自己創業的老死, 於是一起去飲野, 他六月便要結婚, 但自己就一事無成, 唉.

今日有點感冒的感覺, 於是去涼茶舖飲了杯感冒茶, 雖然苦到死, 但好像好了些.


Bean | 7 April, 2006 | 一般 | (161 Reads)
昨夜放工往沙田新城市, 諗住買生日禮物給朋友, 行行下見到個friend, 嚇了一嚇, 未有什麼反應一直往前行, 加上佢有friend一齊, 所以都係之後先話佢知.  因為今日是其中一位朋友生日, 所以昨天早上sms晒圍內班friend, 佢亦係其中一個.  當差唔多離開新城市時竟然收到佢的電話, 問我今日如何安排, 然後我才話佢知我見到佢.

Bean | 6 April, 2006 | 一般 | (96 Reads)

早上約了親戚往後面山拜山, 下午去了大埔踢波, 這天天氣又熱又曬, 踢完瘦了幾磅都有.

聽朋友講張敬軒隻碟好聽, 於是便買了. 有幾首真係幾好聽, 但有幾首唔係佢作的歌就麻麻地.

晚上係街買了格餅和魚肉翅做晚餐. 然後回家睡覺準備半夜看球.


Bean | 4 April, 2006 | 一般 | (130 Reads)
昨午十二時由公司出發往東莞淡水的一間廠, 此廠幫我們造磁浮地球儀. (閱讀全文)